Hallooo

Mir sind momentan irgendwo ide Pampe usse zwüsched em Antelope Canyon und em Grand Canyon..:o) Hend bis ez 4 Nationalpärk hinder üs...zwei werdet no folge und am Dunstig gönd mir für drü Täg uf Las Vegas..freued üs u fest..wiedermol ide Zivilisation, Natelempfang ect.:o) Hend gad vorher s Hotel New York New York buechet...!!!
Aber isch au mega schö do usse..traumhafti Landschafte..eifach einzigartig...

Bis bald

Eui Angi, Nicole und Jenny

Hoi zämä

Mir sind am 27. Juni in Calgary acho...vo det us simer denn uf Lake Louise gfahre..hend ei Nacht imene Hostel pfused und hend am nöchste Tag no Banff agügsled..nochher simer denn wieters uf Jasper für 2 Nächt..isch Canada Day gsi..het so e Parade geh und am Obig hemer chli Party gmacht..hend zwor denkt es got chli me ab..:o) Momentan simer gad in Whistler..do isches würkli sehr schö...ähnlich wie Banff eifach chli grösser..relativ viel Touriste..do chame s ganze Johr go boarde..het recht viel Jungi..Gfallt üs do --> big Party...
Am 6. Juli gömer uf Vancouver..freued üs zum wiedermol chli e grösseri City gseh..:o)

Macheds guet und take care..( de Spruch ghöred mir öpä eimol pro Tag :o)

Bussi vo wiet weg

Byebye Hawaii :o(

Hoi Hoi ihr Liäbä

I meld mi ez no s letscht mol us Hawaii..leider sind ez au scho di letschtä Täg abroche woni do dörf verbringe..:o( Isch sehr e lässigi Ziit gsi..viel neus glernt, vieli cooli Lüt kenneglernt und eifach nume s Läbä gnosse..Momentan simer nume no 4 Lüt wo do sind vo üsere grosse Gruppe..ali andere sind entweder hai gange oder scho wieters go reise..isch momentan chli leer do..:o(
Am Suntig sind no Nici und Jenny do ane cho..ha mi uuuu fest gfreut sie noch drü Mönät wiedermol zgseh..!!! Am 22.6 gömer ez no für 4 Täg uf Maui und nochher am 26.6 gots denn ab mit ihne zwei uf Kanada..!! Wird au denn ab und zue wieder neui Pics druf lade..
Macheds guet...

Bussi eui Angi

Haaaaaaaallo....ihr Liäbä...

So ez hani au wiedermol chli Ziit zum de Blogg mache..duet mir mega Leid, dass ich im letschte Monät kai neui Pics und so druf due ha..:o) Aber das het notürli au sin Grund..:o) Endi April isch min Schatz für drü Wuche uf Bsuech cho !! Als Überraschig ischer sogar no drü Täg früehner cho !! Ha gmeint es segi en Traum..:o) Super gsi !! Sit do hemer würkli vieles erlebt !!! Gaaanz e schöni Ziit gsi..sind viel in Usgang gange..paar Täg uf Kauai, go Golfe, go Skydive ect....
Ha 4 neui Links hinzuegfüegt..damit ihr au chli chönd gseh was mir so gmacht hend und wies üs so got..:o)
Die Pics vom Skydive sind leider nöd so guet..ha ebe en DVD mache loh und ha ez eifach paar Frequenze vo dem gfötelet..aber ihr gsehnd jo dihai denn no de ganz Film !! Isch eifach es hammer Erlebnis gsi..das Gfühl zflüge isch eifach unbeschrieblich !!

Ich hoffe eu gots au alne guet..

Liebi Grüessli us Hawaii

Eui Angi

Hoi Hoi ihr Liebe

Hoffe eu gots allne guet...:o)
Üs gots immerno wunderbar !! Ha am 7. April no Bsuech über cho !! Steffi isch vo Australie no für zwei Wuche zu mir cho !!! Leider bliebt sie ez nume no bis am Samstig...!! Isch soooo hammer gsi, dass sie zu mir cho isch !! Han sie ez au sit Endi Dezember nüme gseh !!
Am Weekend hemer am Fritig chli Party gmacht..isch würkli mega witzig gsi..ha doch de Steffi mol möse de Ami-Usgang zeige..isch scho no recht anderst wie bi üs..die gönd do ab..ganz extrem..:o)
Denn am Suntig simer mit eim wo Nati kennt (das isch en Schwizer wo sit zwei Johr aber in Hawaii wohnt) in Weste vo de Insle gange...das isch eher chli de arm Teil...het u viel Homeless ga und au sust chli e dreckigi Gegend..aber wieder sehr schöni Stränd !! Det simer denn no go schnorchle gange..sooo cool gsi !! Mega schöni Fischli und grossi Schildkrote sind nebet üs hergschwumme..sooo herzig !! Nochher simer denn nochli go Boogieboarde...het au mega Spass gmacht !!!
Vorgest hemer no s erstmol es Surfbrett gmietet...puuuh isch das schwierig...gar nöd wie boarde..ha no en Crash mitemene Japaner ga..aua...het recht weh gmacht..:o( Ha s Surfbrett uf de Chopf becho..ez hani e riese Büle aber zum Glück kai Chopfweh oder so..:o) Aber go dueni sicher wiedermol..recht Useforderig zum das lerne..!! Wots e bitzli chöne, bis i denn wieder hai chume..:o)

So das wärs wiedermol vo Hawaii..

Ganz liebi Grüessli

Eui Angi

Hoi Hoi ihr Liebe

Ez isch s 4te Weekend au scho ume...
Hend am Samstig Morgä 4 Autos gmietet...4 Cabis..und sind z 15te chli go d Insle erkundige..:o)
Sind vo Honolulu us eifach über de Oste in Norde ue gfahre..isch mega schö gsi !!! Und mit dene Autos sowieso..:o)
Im Norde obe hemer denn imene Hostel übernachtet..es Beachhouse direkt am Meer..super gsi..nöd gad s schönst aber egal..:o) Isch würkli es cools Erlebnis gsi..!!
Und ez bini wieder dihai und mues mi no ad Ufgobe mache..:o(

Liebi Grüessli us Hawaii

Hang loose

Eui Angi

Hoi ihr Liebe

Ez bini denn sit 2.5 Wuche do in Hawaii und es isch eifach traumhaft.
Mega schös Wetter immer, cooli Lüt kenneglernt usw...
Ich wohne imene Hochhus am Waikiki...det wo sich eigentlich alles abspielt..sehr touristisch..aber defür sind gad di meiste Shops do..*hihi* und notürli au Bars und Clubs...super Lag... :o)
Wohne im 37. Stock mit mega Ussicht ufd "Stadt". Isch eifach herrlich...
Schuel isch momentan au no recht easy..hend eifach immer vom 8.30 - 12.30 Schuel und nochher gots ab an Beach... Klass isch solala..nume Schwizer..
Hend scho einiges vo de Insle gseh...(Pics aluege :o) aber das Weekend mietet mir es Auto und umfahred sie mol..freu mi scho mega...

Eigentli hani nie welä e Page mache..aber do hüt ein s Internet cho installiere isch hend de Sevi und i gad so Freud ga, dass i ez au eini gmacht ha...:o) Isch e eifachi aber zum eu zeige wies mir so hend und wies mir got langets vorig..:o)

I wird ab und zue wieder neui Pics druf lade und notürli au was schriebe..

Hoffe eu gots au alne guet..Freu mi immer wenn i was vo eu ghöre...

Vermiss eu..

Bussi